Хувь заяа завьтай сэлгүүцэх үдэш

Хүний дүр хань болохгүй өнөөдөр
Хүслийн улбаа хүч болохгүй өнөөдөр
Нарны гэрэлд сэтгэл бүлээцэхгүй өнөөдөр
Нарны амьдралаас бас ахиад зугтсан өнөөдөр

Сарны гэрэл сархад болох үдэш
Өнгөрсний мөр гэрэл болох үдэш
Хувь заяа завьтай сэлгүүцэх үдэш
Хуучлах сэтгэлд салхи хөдлөөд намдахад
Хуучрын эгшгээс сэтгэлд
Хуучин дурсамж хөглөрөхөд
Хурууны минь өндгөнд гялтганах дусалд сар гэрэлтэнэ

Хайр сэтгэл

Хайр сэтгэл
Хайрламаар хүн
Хайрлуулах хүсэл
Хайр горьдсон харц

Хайр сэтгэл

Азтай тохиол
Хувь заяа
Хувь заяаны тоглоом
Үл анзаарагдах

Хайр сэтгэл

Амлалт, хүлээлт
Азгүйдэл, буруу үг (санаа нь зөв)
Эрэхлэж туниад
Тоглоом үл даах

Хайр сэтгэл

Учрах бас холдох
Үл мартагдах
Мартахын хүсэл
Үнэн ч биш амрагууд

Хайр сэтгэл

Зураг нь шүлэгт үлдэх
Аялгуу нь шүлэгтэй уянгалах
Харц харцнаас хальсан
Халуун урсгал

Хайр сэтгэл

Догдлол, нулимс
Итгэл, ирээдүйн тухай
Андуурал авцаа өгцөө хайрын
Харамлахын харанхуй

Хайр сэтгэл

Гал дурлал
Газраас тасрах
Уярал, хүсэмжлэл
Угтаа энэ бүхэнд тэссэн

Хайр сэтгэл

Хайр сэтгэл мандтугай

Шүлэгчийн үхэл

Шүлэгчийн сэтгэл шатна
Шүлэгчид үхэл дөхнө
Үхэл шүлэгчийг тойрохгүй ч
Үхэл шүлэгчийг дийлэхгүй
Шүлэгч үхлийн хуучин анд
Шүлэгч үхэл хоёр уулзахад
Тэнгэрт сарнаас дусаж
Од төрнө
Орчлонд хавар ирнэ
(шинжлэх ухааны талаас харуул бүгд буруу л даа гэвч зүгээрээ .. )

Залуу нас чи бүү гунигла

Залуу нас чи бүү гунигла
Зах нь харагдахгүй орчлон
Нараар эхэлдэг
Залуу нас чи бүү гунигла
Зангирсан гомдлын учир
Ганцхан инээмсэглэлийн үнэгүй байдаг
Залуу нас чи бүү гунигла
Замын тоос нь цэцэгний үнэртэй
Замилангийн заяагаа би
Чамаар л чимдэг
Залуу нас минь чи бүү гунигла

*******

Хайрын улирал
Шөнийн үргэлжлэл
Хагацахад үргэх сэтгэл
Үлдэх харуусал
Ирэх үнэн
Анзаараагүй явсан бүхэн
Амь хураахад
Ассан лаа
Миний дэргэд уйлах


**********

Намрын мэдрэмж
Зүүдэнд ирээд буцахад
Нартын амьдралын амт
Бас нулимсны үнийг
Огт өөрөөр хэмжихэд
Үй түмэн дундаас
Эрлийн үзүүрт татагдаж
Үргээд ниссэн шувуудын сүүдрээс
Үргэлжлэх утга эрж
Үргэлжлүүлнэ

***********

Бичсэн бичсэн
Би өөрөө ойлгохгүй мөрс
Олныг бичсэн
Утга олоогүй үг бүхэндээ
Уучлал хүсэхгүй
Угтаа энд хэд нь тэгээд
Үүнээс илүүгээр
Утгатай амьдарсийм.