Намрын амттай

Дурсамжаар даруулж хүртсэн дарс
Намрын амттай
Нулимсаар хээлж бичсэн мөр
Хожуугийн дүрстэй
Надад дурласан залуугийн харц
Борооны жихүүдэстэй
Найдаж бэлэглэсэн тэр цэцэгс нь
Хуучин хайраас үлдсэн хагацлын үнэртэй
Нартад дулаахан нь мартагдашгүй дурсамжууд гэлтэй …

Тэгээд л энэ

Гомдоод л байхлаараа гэмгүй саранд туниж
Голоос цутгах усан бороог шөнийн тэнгэрт асгаж
Эртээс хөвсөн үгээ буцааж нэхэх гээд
Энгэртээ гуниг эрхлүүлж жаргаж суухдаа
Уйлна
Тэгээд л энэ

Амархан чиг юм шиг санагдах
Амьдралын наадгайг чинь
Асгаж л наадах уу
Эвлүүлж л наадах уу ?